Klinika Petal

Hysteroskopia është një proçedurë kirurgjikale mini invazive e cila përdor një tub të hollë të ngjashëm me teleskop për të parë në hapësirën e brëndshme të uterusit, hapjet e tubave të Fallopit dhe kanalin cervikal.

Kjo proçedurë kryhet nëpërmjet histeroskopit që është një instrument tubular i lidhur me një burim drite që bën të mundur shikimin në brendësi të uterusit, si dhe me një sistem videokamere, për të transmetuar imazhin në ekran.

​

Ndahet në dy kategori

• Histeroskopi diagnostike

  • Eksplorimi i kanalit cervikal, uterusit dhe tubave të Fallopit

• Histeroskopi operative

  • Heqja e polipeve cervikal dhe endomerial

  • Heqja e miomave submukoze

  • Heqja e aderencave të ndryshme

  • Korrigjimin e anomalive të lindura

​

​Si Kryhet proçedura?

• Në rastet e infertilitetit, histeroskopia diagnostike kryhet 2-3 ditë pas mestruacioneve

• Kur Histeroskopia kryhet nën anestezi, pacientja duhet të agjërojë (pa ngrënë apo pirë) për të paktën 6 orë para kirurgjisë.

• Vendoset pacientia në pozicion gjinekologjik

• Kryhet me ose pa anestezi në varësi të proçedurës

• Kalohet histeroskopi në vaginë, më pas në kanalin cervikal dhe në fund në kavitetin uterin duke injektuar likid

• Bëhet ekzaminimi i kujdesshëm i kavitetit

• Në fund nxirret me kujdes dhe gradualisht histeroskopi

• E gjithë proçedura regjistrohet dhe dokumentohet

​

Çfarë duhet të presë pacientja pas histeroskopisë?

Pas procedurës, pacientja zakonisht nuk ndjen dhimbje dhe kthehet në shtëpi.

​Për të minimizuar rrezikun infektiv, si pas cdo lloj procedurë gjinekologu do të rekomandojë mjekim me antibiotikë për disa ditë.